(الدجاج على الطريقه التركيه)

(الدجاج على الطريقه التركيه) المكونات: دجاج حبه طماطم بصله... اربع حبات صغيره ثوم ملعقتين كبار لبن ملعقتين كبار كاتشاب اربع ملاعق كبيره صلصه طماطم نصف كوب زيت زيتون عصير ليمونه ملح فلفل هيل زنجبيل مطحون كزبره ناعمه يابسه بهار دجاج مشوي بقدونس بصل جوانح الطريقه: – بالخلاط نضع حبة بندورة و بصلة و اربع حبات توم مهروسين و معلقتين كبيره لبن و كاتشب و اربع معالق كبار صلصة طماطم و نص كاسة زيت زيتون و عصير ليمونة منخلطهم سوا. – وبعدين نضيف البهارات وهي طبعاً كل شخص حسب ما بحب, انا بحط ملح و فلفل ابيض و هيل و زنجبيل مطحون و كزبرة مطحونة و بهار دجاج مشوي. – منخفقهم و نصب ثلثي الخلطة تقريباً فوق الدجاج بصينية الفرن و الباقي من الخلطة منشيلو على جنب و منحاول نغطي قطع الدجاج منيح بالخلطة ومنغطي الصينية بالقصدير و مندخلها الفرن لمدة ساعة و ربع او اكتر شوي. – بهالأثناء نقطع بقدونس وبنغسله و بنصفيه و بنجيب بصلة منقطعها جوانح و منرش عليها رشة ملح و رشتين سماق و منفركها فيهم منيح و بعدين منضيف عليها البقدونس و منخلطهم مع بعض. – لما يستوي الدجاج منحمره من الجنبين و بعدين منجيب شوية الخلطة الباقية و مندهن فيها أرغفة الخبز حسب الكمية اللي بدك ياها. – و بندخل الخبز على الفرن يتحمر من فوق لمدة دقيقة و لما نطلعو منحط سلطة البصل و البقدونس فوقه و منوزع قطع الدجاج عليهم و بيتقدم جنبها سلطة او تبولة و بطاطا