ياكم تواعدني ولا منك مربوح

لا تدعي ياصاحبي الظلم وتنوح
ماقد خطيت ابحقك واطلب السماح

دايم اداري لك ولو تطلب الروح
ارخصتها لجلك عسى بس ترتاح

ياكم تواعدني ولا منك مربوح
طبعك عنيد وعلني منك ياصاح

اعاتبك تزعل واجي قربك اتشوح
صابر على الحرمان ولا قلت لك آح

لانه غلا ابمنزل القلب مطروح
مهما قسيت وصرت تنسى الذي راح

وان تيحد المعروف باقول مسموح
هذا زمانٍ للوفي ماله اطماح

واللي مقدرلي ومكتوب عاللوح
درب الشقاء ان كان او درب الافراح