ذنبي عشقت بصدق وأعطيت بإحساس

ذنبي عشقت بصدق وأعطيت بإحساس ولاالحصافه نعطي الحب قطره ذنبي هقيته غير عن كل هالناس وعظ الأمل من حسرته راس بسره يلي هقيت إن الغلا قطعه الماس هاك الفحم وإدفى على كوع جمره مابين طعنات المواجيع والفاس القشّه اللي هدّت الحب نظره يلي أحاسيسه من الغدر يبًاس وزروعه الصفرا من إنتاج بذره هات القلم واكتب على ظهر قرطاس اللي خذيت من المواليف حسره الناس واجد بس حولي ولاناس وأيام عمري أجمل أيام عمره ما مر في تاريخي الصد وسواس ولاهو انفتح ذهني على قصد كسره وإن ما كسيت اللي أحب أفخم لباس العار منه يهدي ثياب فقره الحب لا منه علا كيف ينداس؟ وقلوب ذابت عشق وشلون تكره؟ ياجارحين الناس ما انتم من الناس؟ لامن ذبحتوا أمس وش حال بكره؟ ماضرني لو موجعه ضربة الياس لكًن يدفعني على الموت غدره أصل الذهب في وجهه أكذوبة نحاس والشك عندي بين وجهه وظهره ضاق الفضا واحتار بالضيق نسناس واختار لما احتار هالصدر وكره من صاح يحكي بالمعاناة هوجاس ليلي بليا ستر من هتك ستره يامعجبين بطبع عنتر وجساس طعم الشجاعه بالغلا حيل مره قتل النفوس أسهل من أشواق الأنفاس ودمع الوله كالدم ألفين مره وطعنة غدر تسوى ثمينات الأفراس وحداد شوق يشابه حداد حره وحنيّتي ماعدها وزن وقياس حتى لو إن الجرح ماكف شره لو عفت طعم الكاس مابكسر الكاس أخاف نفسي من خفوقي تشره يهمني لو عشت أنا أعيش بإحساس ولو مت ماسببت لإنسان حره