جرح البعيد اذا التمس فيك يأذيك

جرح البعيد اذا التمس فيك يأذيك
لكن مع الايام تنسا اثرها

وجرح القريب الي من الموت يدنيك
ملازمً روحك لحتى قبرها

من لايسع صدره اخوتك يبليك
وانت تدفع بالمقابل مهرها

كم من بعيدن عنك بالود يشريك
وكم من قريبن للقرابه هجرها

اذا لمح فيك الكرامه يعيب فيك
وان شاف عزه في جنابك كسرها

ابعد عن الي مامراده يخاويك
لان السما ماتعشق الا قمرها

احيان قرب الدم واللحم يغليك
واحيان ينفخ كيرها في سعرها

لاترتجي من وقتك الي تناسيك
ولاتشتكي لمن طعن في ظهرها

ومن تناسا حاضرً بعد ماضيك
كالعين لوتعمى ويبلى بصرها

ومن تعمد بخف ذكرك وطاريك
ويتركك بين العذاب وكدرها

قله عسى الايام بالمثل تجزيك
وتشوف عيني مايمتع نظرها