يا حبيبي ليش تهجرني

يا حبيبي ليش تهجرني
ليش يالمحبوب تجفاني

وش حصل يا زين خبّرني
ليش منّي اليوم زعلاني

لو أنا غلطان فأعذرني
والعفو من أوّل وثاني

يا حبيب الروح سامحني
لو بحقّك كنت غلطاني

أدري إنّك صدق عاشقني
وأدري إنّك دوم تهواني

بس ليش اليوم تتركني
وحديه وتزيد بأحزاني

الجفا والهجر كدّرني
والزعل لي منّك أضناني

واهي الأشواق يحرقني
يكوي عظامي وضلعاني

كم أنا مشتاق صدّقني
للقاء ملهوف شفقاني

رويتك يا زين تفرحني
والقلب تدعيه فرحاني

انت يالمجمول سالبني
كاملٍ بالزين فتّاني

يادلك مسفوف (ع) المتني
يشبه الديجور لك جاني

لك عويدٍ يشبه الغصني
والخصر (م) الردف تعباني

في خدودك ورد وسمنّي
مثل ما وردٍ ببستاني

لو نظرك العاقل انجنّي
قال ذا من حور لجناني

أربعين وظبي يتعبني
سبعةٍ والذيب يفلاني

يا إله الكون بلّغني
مطلبي من دعج لأعياني

والختم يالخل سامحني
لو بحقّك كنت غلطاني