قسم بالله يابوي لجل عينك شربت الغي ؛،؛

يابوي ليه تبكي كل ما شافتك وعينك لي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحي؛،؛
أجل بعد الرحيل أشلون في قبري توطيني

يابوي لو تموت الناس ماتسوىدموعك ذي ؛،؛
وأنا يابوي ميت قبل أموت وأنت محييني

قسم بالله يابوي لجل عينك شربت الغي ؛،؛
جرعت الهم والحرمان وبحر الويل يسقيني

تحملت السنين اللي طوتني في عذابي طي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكن بطلبك يابوي تكفى لا تخليني

يابوي مابي غيرك يغسل جثتي بالمي ؛،؛
وتكفى قبل لا أتكفن .. يابوي فكلي عيني

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنياي وسنيني

وخل الناس تحملني وترفع راسي ورجلي ؛،؛
وتأخذني على قبري وتكسب أجرها فيني

وأذا جيت القبر يا بوي نزلني شوي شوي ؛،؛
ووجهني لبيت الله .. وقبله المصليني

وحط الطين وأدفني وعزاللي يعزي في ؛،؛
ثلاث أيام يابوي .. يواسوك المعزيني

ورابع يوم يابوي تذكر .. ضحكتي وعني ؛،؛
تذكر وش كنت أقول يوم أنك تناديني

تذكر يوم كنت أنام في ظل النخل والفي ؛،؛
تجي يمي تصب الما..على وجهي وتصحيني

تذكر جرة الموال وصوت في حباله كي ؛،؛
تذكر يوم أغني لك قصيدي وانت توحيني

تذكر ضحكتك لا قلتلك يابوي عشقي هي ؛،؛
تذكر كم قصيدة خافيه ما بينك وبيني

تذكر كل شي كان وأذكر يوم انا حي؛،؛
ولكن أسالك بالله يابوي لا تبكيني







الشاعر: جابر بن هايف العتيبي

جلب راقي وانتقاء مميز
بوركت جهودك المثمرة
ولا حرمنا عطائك
ودي ..

يسسلمو ع المرور

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يسسلمو ع المرور

طرح مميز يعطيك العافيه