لا تعتذر مالك بقلبى موده

لا تعـتذر مالك بقلـبـي موده
فرقاك ارحم من جحيم اقترابك

ملعون ابو هالحب ملعون جده
ان كان يربطني بحضرت جنابك

ابانهي الي كان واحط حده
خلاص وابدا رحلتك مع سرابك

كف الاماني كف عن مد يده
اغتلت حلمي والبقى في عذابك

مليت من طعناتك المستبده
يمناك تشهد بالغدر بارتكابك

لا تطري اسمي وانتبه لا تعده
ابعد عليك من النجوم لترابك

منت بكفو هالحب ولا انته بقده
انت انتهيت بقلب منهو هقابك

والسالفه بتضيع من بعد مده
ما جت به الايام يعلن ذهابك

والي يجيب الريح باب واسده
وارتاح من همك بتسكير بابك

لا تعتذر مالك بقلبي موده
فرقاك ارحم من جحيم اقترابك