عذبتني

عذبتني يابو الرموش المظاليل
وان كان ضعت انت السبب في ضياعي
عينك تنام ودمع عيني هماليل
انا اشهد إنك ظالم ٍ ما تراعي

وعيني من اجلك مابعد غمضت ليل
وإليى غفت قلبي يجيه التياعي
ومادام هذا من هواك المحاصيل
مجبور اقولك ياحبيبي وداعي

بحجز على لندن تذاكر وترحييل
واخذ بدل ذا القلب قلب ٍ اصطناعي
قلب ٍ صناعي مابه احساس ويميل
وظيفته للدم يعطي اندفاعي

على قناة الحب مافيه تحوييل
وعن حب كل الناس فيه اقتناعي
والقلب الاول لك الفّه ابمنديل
واقول هذا القلب ما منه داعي

هذا الذي شاف العنا والغرابيل
هذا السبب في حسرتي والتياعي
إخذه مادامه ما يبي عنك تبديل
هديتك يابو العيون الوساعي