كامله بالزين من وجه ومقفى

كامله بالزين من وجه ومقفى
مايفيد اللبس فيها كان ضافي

لا مشت كلن بها قام يتحفى
مشيةٍ فيها التغنج ماتعافي

وكل نورا داخل السوق يتطفى
لا دخلبته نورها الكشاف كافي

جادلٍ من علو كعبيها تكفى
والعذارى من وصايفها عوافي

خصرها من فوق رديفها تخفى
كن ماتاكل ويلحقها جفافي

ولا وجد في نهدها لبنن امصفى
بارزاتن ما على الوصف اختلافي

والعيون عيون من قامت تقفى
ماعجزها الخرب لا راح متقافي

مبسم وخدين والشعر المعفى
ولبةٍ تشدى القمر والليل قافي

من يخايل في وصايفها تشفى
كم عليلن شافها راح متعافي

ومن عشقها مايلام ليا توفى
ذاخرٍ لفراقها سمٍ زعافي

حظ من معها عن البرد يتدفى
ساعةٍ فيها يطشون اللحافي