أشرب كدر ماي البحر كانه أرضاك

أشرب كدر ماي البحر كانه أرضاك
ياللي زعلت إزعل ولاني مراضيك
بأعز نفسي عنك مدراك
لا تحسب أني عقب صدك بداريك
راضي بتعذيبك لأجل قلبٍ غلاك
أربع سنين وأنا متحم ل تغليك
وأدوس قلبي لينه يقول خلاك
وخليتني واليوم والله لأخليك
ليمن يقال فلان هانك وورآك
قبل توريني الحساير بأوريك
وأنسى الغرام اللي مضى وأتحداك
كانك تحداني فأنا أقبل تحديك
الله يحرمك كل ما كان هنّاك
ماني بقايل لك عسى الله يهنيك
فوق الغرور اللي عن الماضي أعماك
عسى العمى ياخين العهد يعميك
حيثك تجاهل صوت محروم ناداك
وعساك ما تسمع قريب يناديك
لينك تندم ليه غيرت ممشاك
وعسى الشلل يعوق رجلٍ تمشيك
يلقى بها الفرصة عدوك ويشناك
وعسى حياتك بس فرحة لشانيك
يصبح عليها الصبح ويموت طرياك
وعسى الليالي اللي تجيني بطاريك
آمين حتى اللي تمناه يجفاك
وعسى المنام وكل راحة تجافيك
وأمك تشق الجيب من عظم بلواك
وعساك ما تفرح وتكثر بلاويك
نار الجحيم ونار دنياك تصلاك
وإلى مت جعلك في جهنم تصاليك
غشاش خاين من من الناس داناك
الله يكره فيك حتى دوانيك
أمسك ويومك عنهم الغد يجزاك
هذه النهاية روح والله يجازيك

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ ..

منورين بمروركم العطر

عاشت الايادي التي طرزت تلك الكلمات
وعطرت أحرفها بالورد والريحان
سلمت يداكم راقت لي مكنونات قلمكم
دائماً انتم على قمة الحرف تتربعون
دمتم بخيروسعاده لا تغادر ارواحكم

منورين بمروركم العطر