صدفه حلوه غيرت حالي بحال

صدفه حلوه غيرت حالي بحال
ضمدت جرح الليالي والأنين
لاهي ردتني ولاقالت تعال
واقفه والناس حولي واقفين
قمت ازين في شماغي والعقال
والحشا ناره تثور وتستكين
قلت من شكله عنيد ولايطال
بس احاول به عسى قلبه يلين
طالت النظره وطال الليل طال
واحترقت بصمت من زود الحنين
سيده بلحيل ولافيها مجال
أي وربي سيده وش تحسبين
ضعت انامابين خوفي والسؤال
خايف اشواقي على وجهي تبين
وش جمال الكون لاقالوجمال
ماحسبت اللي تقول اللايمين
كامله بالزين ولله الكمال
شيٍ تشوفه وشيٍ مايبين
وش اقول اكثروش اللي مايقال
زينهايخطف قلوب العالمين
العيون اللي تلاعب بالرجال
العبت بي والخلايق غافلين
صابني الطرف المحلى بالكحال
طحت فيها والبشر متجمعين
قالت ابعد وانتبه يابن الحلال
والله صعبه وانت سيد العارفين
قلت اناصادق ولااحب الجدال
كل مافي الأمرودي تعرفين
ماسكن قلبي عنود ولا منال
ون رضيتي وإلاعمرك تزعلين
قامت وعقلي وصل حدالهبال
كلماانساهاتذكرت اليدين
رحت ادور لاسم مزيون الخصال
ودي اعرف وش نسب ذاك الظنين
يوم شفت الأسم وإلاهونوال
وقتهاضاعت شمالي من يمين
اختبصت وضعت قدام العيال
مادريت إلا وانا والمسعفين
صرت مدري هي حقيقه اوخيال
يوم صرنا بينهم متقابلين
سارقلبي في هواهالين مال
قلت يالظبيه دخيلك تسمعين
والله ان الموت لعيونك حلال
والله ان الموت في ذاك الجبين
لوجنوب الكون يصبح في الشمال
لومدارالأرض يصبح خطوتين
لويذوب الثلج من روس الجبال
مايذوب الحب لوطافت سنين
ايه احبك موت احبك يانوال
ايه احبك قلتهاوالله يعين

سلم لنا روعه طرحك
نترقب المزيد من جديدك الرائع
دمت ودام لنا عطائك

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

-




يعطيك العافيه يارب , ع الموضوع
دمت ودام ابداعك ف سما عشق ..,

يّسّلُمُــؤٌ انَــامُلُــك عّ الُطِــرًحَ الُــرًائــعّ
رًبُــيّ يّعّطِيّــك ألُـعّــافُيّــهّ •••

منورين بمروركم العطر