حيرْتِني في ذي العيون المكاحيل

حيرْتِني في ذي العيون المكاحيل
لون الليالي في رموشه سرابيل
بين النجوم اللي سماها مداهيل
ما غار نجمه وفبريقه تقابيل
ما ليل غابه لا سواده تضاليل
ما ضل بدروبي وشوقه مسابيل
وِانشد عن انفاسي هبوب المواصيل
يا روعة الشهقه ونار المراسيل
جاني وثوبه ما يطيق البهاذيل
كن الخطاوي في دروبه مساجيل
والشوق لا نادى يهز الرجاجيل
مثل السحاب اللي على ارضه مهاطيل
ينبت نوى زرعه ويسقي المحاصيل
قلبك سقى قلبي غرام وتساديل
يا مزنة الرمضا ونور المشاعيل
يا جنة الخافق وزَاد التهاليل
زنتي وفي زينك لبستي التكاليل
في خافقي كلمه ولا من تباديل
حِبك كلى قلبي وكل التعاليل
واسأل انا بربي يزيدك تكاميل
ياللي سبت شاعر وفيها تشاغيل
حبك ترى صقرن وكود التحاصيل
وَاشهد وبعيونك سهام ومَقاتيل
عشق بدوي صنتي بكل التفاصيل
فيك الغلا معنى بكل المحاميل
وابصم وفي حبك صروح وتماثيل

تميز بالانتقاء والطرح
سلمت الايادي
يعطيك العافية
لك مني ارق التحايا

يعطيك العافيه علي الطرح ) ...

منورين بمروركم العطر

سلمت اناملك على الإنتقاء
دمت بسعادة بحجم السماء
لقلبك طوق الياسمين

سلمت آناملك لروعة طرحهآ..
يعطِـــيكْ العَآفيَـــةْ..