كنت لي انسان عديته خليل

من بعد ما كنت لي في كل ليل
صرت لو أشتاق لك افتح صورنا

ما نويت تعود ما عفت الرحيل
شوف كنا وين قبل و وين صرنا

خايف من البعد والهجر الطويل
وخايف ان العمر يا عمري يمرنا

وخايف ان الدرب يلقى لك بديل
ينهدم كل ما بنينا في عمرنا

ما أقول ف هالبعد فينا ذليل
بس أقول ف هالبعد كلنا خسرنا

كنت لي انسان عديته خليل
كنت لك كل شي لين احنا كبرنا

من صبرنا عن بعض مات الجميل
لي جمعنا شفت وش سوى صبرنا

ما بقى من وقتنا الا القليل
ولا بقى من حبنا الا سهرنا

انت كمل في طريقك لرحيل
واوعدك بنساك بس امسح صورنا