انتي اجمل حلم عشته في حياتي

انتي اجمل حلم عشته في حياتي
لو تحقق قلت ليته ما تحقق

لجل احسك واسهرك مع ذكرياتي
واقطف ورود المحبة واتشقق

كل ما احلم فيك تزهر أمنياتي
والعروق النابضة فيني توّرق

يا اقرب اقرب من حروفي في شفاتي
لو قربتي خايف اقرب .. ونتفرّق

في خيالي باحضنك يا اول جهاتي
طفل محتاجك وف رقبتك تعلّق

وان خذتني دمعتي سقت اغنياتي
دام حزني كل ما اطريّك دنّق

وكان قلتي بابتعد يا كل ذاتي
كيف اصدّق شي لا يمكن يصدّق

وان بعدتي ف البقيّه في حياتي
يكفي اني عشت حلم وما تحقق