تخلـينيَ ، ~

..



تخليني وأنا اللي حبك بشتى شرايينه ..
تخليني مثل الطفل الصغير اجلس على بابي ..

تخليني؟
وأنا اللي ما رضاك تطيح من عينه ..
يا كم مره يدحرجك الزعل وتردك أهدابي ..

تخليني؟
وأنا اللي لا لقاك وراح من حينه ..
أقبل كفك اللي صافحك وأحنّط ثيابي ..

أحبك وأعرف أن عمري معك مايعرف سنينه ..
أحبك وأجهل أسبابي .. أحبك وأعرف أسبابي ..
تخليني؟

أحبك وأمنيات الشاعر أكبر من دواوينه ..
بتكبر الارض لو اللي بصدري صار بترابي ..

تخليني .. وأنا اللي ما رضاك تطيح من عينه ..
يا كم مره يدحرجك الزعل وتردك أهدابي ..

خذني من يديني ولاّ خذ طفلك من يدينه ..
أنا صعبه عليّ أكون لك وحضوري غيابي ..