لو تمر سنين مانسيتك

تذكر يوم أقولك جسد يحتوي روحين
واوعدك ماخليك وتوعد ماتخليني

*****

اذكر يومها اشوف بالدنيا بس اثنين
قلبي اللي يحبك وقلبك اللي يحويني

*****

بعدها بايام شفت ايدك تحضن ايدين
وانصدمت يوم شفت انها غير ايديني

*****

سكت لجل خاطرك وقلت مرحبا بالزين
مرحبا باللي القلب لجله حيل كاويني

*****

مر يوم واسبوع وشهر وبعدها شهرين
وهو لازال مايدري باني شفته بعيني

*****

واخاف إني اقوله خاين وينجرح بعدين
واخاف اسكت وبسكوتي صمتي حيل يشقيني

*****

واجهته وانا ابكي والعين تحضن العين
سألته: ليه تنساني؟ والا ماكنت تغليني؟؟

*****

سكت ولف عني وخبى وجهه بالايدين
اللي كانت تحضني وغيرها ماتدفيني..

*****

سحبت وجهه ومسحت الدمع على الخدين
وقلت له والله أحبك ولو انك تخليني..!

*****

سكت فترة وقال لي: لازلتي تحبيني؟؟
بعد اللي تشوفينه لازلت تحبيني؟؟

*****

ابتسمت وقلت اجل ماعرفت للحين
اني أحبك حيل واللي يرضيك يرضيني

*****

سكت فترة وانا أعاود فرحة بقت لسنين
وتركته وتركت حبه اللي بقى فيني

*****

وصارت الدمعة اذا هلت اقول اهلين
والبسمة هجرتني ونست دربها فيني

*****

بعدها بايام سمعت خبر والله شين
سمعت انه مات وهو يطلب يلاقيني

*****

ويوم اني رحت..وصيته لي بورقتين
الاولى بها اسمي كتب بدمه يغليني

*****

والثانية يقول فيها: ابي اوضح لك شيئين
الأول أحبك حيل وماسكن غيرك شراييني

*****

والثاني أمانة لاجيتي لأهلي تعزين
لاتنزل دموعك لي طلبتك لاتبكيني

*****

واللي ابيه انك بالخير لي تدعين
وانك بالشهر مره بقبري تزوريني

*****

واللي ابيك تعرفيه ومهم انك تعرفين
اللي شفتيها معي كانت بموتي تبشرني

*****

انا اللي خليتك من كيفي تبعدين
لجل ماينجرح قلبك بلحظة موت تحويني

*****

تكفين لاتظنين اني خنتك يالغلى تكفين
واذا لازلت تحبيني دايم بالخير اذكريني

*****

سكت وقلت: ياليتني ظليت معك يازين
وشفت الموت ياخذك مني ولاكذا تخليني

*****

تظنون اني نسيت أو الدمع جف بالعين؟
لاوالله الين اليوم وهو معي يخاويني

*****

لو تدور الدنيا ولو تمر بعدها سنين

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

كم سعدت حروفي بتواجدك الانيق
شكرا لمرورك واطرائك الجميل

سلمت آناملك لروعة طرحهآ..
يعطِـــيكْ العَآفيَـــةْ..

سلمت اناملك على الإنتقاء
دمت بسعادة بحجم السماء
لقلبك طوق الياسمين

كم سعدت حروفي بتواجدك الانيق
شكرا لمرورك واطرائك الجميل