شلون المحبه تنسي ابساع ابساع

شلون المحبه تنسي ابساع ابساع
..............................
من كون محبوبك وفي وحلو اطباع...
شلون المحبه تنسي ابساع ابساع..
................................
شلون انسه ياروحي ونبض دلالي..
شلون انسه كلي ورسمك انته كبالي..
شلون انسه وانته نغمتي وموالي..
مامثلي حبك واحد بهاي الكاع..
.............................
العشره من بيهةهجر ماتصفه..
علتي انته وانته الهه الوصفه..
ماحسبت منك هجر ياوسفه..
هيه المحبه تنشره لو تنباع
...................................اني اكره الدنيه ولك من تبعد..
ماتدري للراح.ويجي اعليك انشد..
انته عغتني بلا سبب متعمد..
ماتنبني العشره اذا بيهه اطماع..
.................................
تدري ولك يوميه امر يم بابك..
بلكت اشوفك لو اشوف الشافك..
وصوابي يحبيب كلف بغيابك..
صعبه الخبر عد شامتي من ينذاع..
.................................
اني الهويتك والثمن شرياني..
من تامر انته بكل وكت تلكاني..
ماأدري منك بس هظم يلفاني..
ومنك عذاب اني شفت صعبه انواع..
................................
لجلك ولك اني عفت كل ربعي..
وجربتني والوفه من طبعي..
جا ليش تفرح من شفت هل دمعي..
الوفه عد اهل الوفه ماينباع..
شلون المحبه تنسي ابساع ابساع
من كون محبوبك وفي وحلو اطباع
...................................
م