كان الغلا ذنب .. يابعدي عن التوبه

بأول دروب الغلا والقلب يادوبه
تاهت خطاويه لين الشوق صاحبني


اقفيت واقفى وكل(ن) راح من صوبه
ان عاد ياشينها وان راح ياغبني

عقلي وقلبي وكلي منجذب صوبه
من غير ما اسأل وش اللي فيه يجذبني

فيه الاجابات مرسومه ومكتوبه
حتى بسلهامته كنه يجاوبني

والضحكه اللي مع الاحزان مصحوبه
ترسم لي الذكريات اللي تعذبني

عقول الاحباب لو برقت .. مسلوبه
ظنيت فيها وظني مايكذبـّني

صاحبك ياصاحبي مازال عذروبه
اليا هدم غيره صروح الغلا .. يبني

كان الغلا ذنب .. يابعدي عن التوبه
ياكثر حبي لك الله لا يعاقبني

وان كان بالناس منسيـّه محسوبه
هاك المحبه ولو غيرك يعاتبني

راضي بحبك وراضي باكبر ذنوبه
لا صار ذنب الغلا صوبك يقربني

والكلمه اللي من اقصى القلب منهوبه
جنبت عنها وعيـّت لا تجنبني

ماظنتي فيه نوبه غير هالنوبه
املى عيوني بشوفك يامتعبني

ان عشت .. لك قلبي اللي تاهت دروبه
وان مت .. يغفر لي اللي فيك حببني

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

سلمت اناملك على الإنتقاء
دمت بسعادة بحجم السماء
لقلبك طوق الياسمين

منورين بمروركم العطر

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

سلمت آناملك لروعة طرحهآ..
يعطِـــيكْ العَآفيَـــةْ..