يحكى ان اسمك عنوان إبتدت به جميع روايات سعادتي

ألمدخّل :
عاتب القلب وانت جروح وأذنوب
. . . . . ليه أعاتبك ..؟ يا قلبي وعيني !
أتكلّم معك .. والخاطر يذوب ,,
. . . . . وأحتري جرحك اللي يحتريني

:
أخطيت فالعذر مدري عن خطاي أعتذرت
........................ ومرارة العذر ,, فلساني تذوّقتها !
:
يمكن على الدمع في ليل الوداع انتصرت
....................... أو دمعة البعد ما سالت على وقتها
:
يا صاحبي انت ما أضنّك دريت وشعرت
....................... مشاعري من كثر ما أحبك أحرقتها
:
جبرت خِاطرك من شان الغِلا وأنكسرت
....................... وهذيك وسّعتها , وهذيك ضيّقتها
:
لا تقول لدّت عيوني للفراق ,, ونظرت
........................ لو أن الاحلام بيدي ,؟ كان حققتها
:
انا اعتبرتك حبيبي وانت ويش اعتبرت ؟
..................... ياللي سنيني من اطراف العمر بقتها
:
العام في موعد الجرح القديم انتظرت !
...................... في ليلة ٍ كنت ابسهرها , وما طقتها
:
جيت اكسب ارضاك وانسى عزتي ما قدرت
...................... دايم ,, تمر الاماني ,, ما تلاحقتها
:
ما كنت اصدق يموت الحلم لين انجبرت
..................... يا كذبة ٍ صعب اكذبها ,, وصدقتها !

ألمخّرجّ :
من طيب الايام لو هي ما تمر وتروح ..؟
. . . . . قطعتها حب لعيون المحبه .. وجيت
ما كنت مخطي بحقي كثر طعم الجروح
. . . . . وما كنت احبك ألين انك رحلت ودريت