إذا سألت علي كلولها بخير

إذا سألت علي كلولها بخير
شفت كل الجروح المنها اعاني
صدك باقي إثربس باجر يروح
واذا اضطر ابدل جلد ثاني
المهم مايبقى شي من عدها تذكار
الخلت هاكثر ناس بمكاني
الهم رأس مدري شلون طخيت
وأنه الما اطخ رأس الزماني
بعد متهمني لو يمها الهوا يصير
المثلها رخصت دمعي شجاني
اعرف جم درب هيه المشت بي
ولأن من عدها احسن جنت اتاني
فرق طبعي وطبعها كلش هواي
تبيع بساع وارجع واشتري اني
تره اليحبها ربك تهوى محبوب
واحد مو تضل يوميه ثاني
وترة بنت الأصل من تعشگ تموت
مو كم واحد تعدد هواني
النظافه مو جسم لا كون الگلوب
تنظف حتى اكول ابنادم اني
خلها تروحلة وشعندها تنطي
بس ينطي ربع الانطيته اني
ذني دموع عيني ارسمها ضحكات
ونين اگليبي سويته الها اغاني
كتلها التراب الفوكة تمشين
المه وما اريد يدوسه ثاني
كتلها النفس لو زعلـج فديوم
عدوي و واكف كباله لكاني
عمر يم بابهم تالي اسمع الصوت
بدل كلمه هلا شعندك تتاني
أجر ذيال خيبه لوحدي رديت
وثكيلات الدقايق والثواني
بعد ما ارجعلهم كافي مليت
ربك خيرهم من الشر كفاني
إذا سألت عليه كلولها انسي !!
وما احب صوتها يوصل اذاني
....