البرد برد الشام يامبعد الشوف

البرد ماهو برد عرعر وﻻ الجوف
وﻻتبوك الثلج. .وجبال حايل

البرد برد القلب في داخل الجوف
ﻻحال ما بين المحبين حايل

البرد برد الشام يامبعد الشوف
وإلا القلوب لها حلول و بدايل

برد و فقر وامطار وثلوج مع خوف
وابشع جرايم دون جرم ودلايل

حتى أصبح الموضوع للعين مألوف
نشوفهم نحزن دقايق قلايل

واذا فزعنا فزعة أقلام وحروف
حتى بفزعتنا - تشوف الهوايل

ياشامنا "وجه العذر منك" مخطوف
ولاعاد بيدين العرب من وسايل

لكن لك الله ملتجى كل ملهوف
يغنيك عن فزعة شعوب وقبايل