مشاهدك جنه ومنطوقك عسل حالي

مشاهدك جنه ومنطوقك عسل حالي
وين النصيب اللي يحوشك في العمر مره

يا ليت منزالك قريّب يم منزالي
يلي عليك النفس طول الوقت محتره

يا ليتني وياك عايش في خلا خالي
ما بيننا حاسد ولا نمام بالمره

ويلاه يا حري ويا شري وغربالي
من عقب صدك يا عشيرً شح بالنضره

تمسي وتصبح يا نضر عيني على بالي
من جاب لك سيره معه تخنقني العبره

و أعطيه ضحكه سن كني دالهً سالي
ما قلت له ذاك البشر مرضان من هجره

يومً بدونك راح من عمري على الخالي
يا ناس من مثلي على الخالي قضى عمره

اسأل نسيم الصبح عنّك يا هوى بالي
لا مر من يمي يصحيني على البكره