وش يهمك ليه غبت ووين غبت وليه جيت

ليتني ماقلت أحبك وش يهمك؟ ليه غبت؟!
ووين غبت؟! وليه جيت؟!..
دام ما هزّك غيابي وش يهزك.. لا لفيت؟!
~~~
ما تعوضني دموعك .. عن صدودك .. والجحود..
ليتني ما قلت أحبك .. ليتني لك.. ماحكيت !
ليتني ما جبت طاري.. ليتني.. ريحت بالي
وليتني في مثل حبك .. بالمحبه.. ما وفيت !
كنت ما افهم بالخيانه.. كثر ما اسمع.. بالخيانه!
وكنت وافي بالمحبه.. كثر ما عني.. سليت !
وكنت أشوف الناس مثلي .. غلطتي وأكبرذنوبي
ايه لاني بالمحبه .. في هواك انت .. ابتليت .!!
ايه لاني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ما حييت..
كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..
وطحت من عيني حسايف من مكان(ن) كنت فيه
ما رقا به شخص غيرك..!! لا ولاغيرك.. رضيت !
لأنك أول شخص عندي وآخر انسان(ن) أبيه
ولأنك انت اللي ملكني ولأنك انت اللي قويت ..
يسكن بوسط الحنايا وان جرح قلبي يمون
ساكن(ن) وسط الخفوق وفي عيوني له مبيت..
جفني الأول فراشه وجفني الثاني غطاه.
ولو عطيته كل عمري أعتبرني ما عطيت
كنت مفرط في حناني .. وكنت مفرط بالغرام..
لين صرت انسان عادي.. في عيونك لو بكيت .!
من غلاتك ,, من قساتك ,, من جحودك للوفا
من ضياع سنين عمري.. وأروع أحلام(ن) بنيت..
أصبحت مثل الحطام اللي تطاير في هبوب
ودي أستدرك شتاتي.. لا ضميت.. ولارويت
غير حبك.. يوم حبك .. ضيّع سنيني معاه
حسبي الله..ان صدفتك .. وحسبي الله ان طريت
وين ما لديت وجهي.. ألمحك تضحك علي
ألمحك تضحك علي !! وغير ربي ما شكيت
مات قلبي وش بقى بي؟ أسألك بالله حي؟
والخفوق اللي رميته في هواك اليوم ميت
كيف أنسى؟!..وكيف أسلا؟أسألك بالله كيف؟
ولو اقول اني نسيتك .. يعلم الله ما نسيت
طعنت(ن) أدمت جروحي .. من كفوف اللي عطيته..
كل شي(ن) في حياتي... وإعتبرني ما عطيت
أكرهك ؟!! وأكره حياتي ؟!! وأكره سنيني معاك
وأوعدك ما احب ثاني .. طول عمري ما حييت
وش يهمك؟! ليه غبت ؟! و وين غبت؟! وليه جيت؟
دام ما هزّك غيابي؟!! .. وش يهزك.. لا لفيت؟!

يسلموووو على رقي الطرح واختياره
ابداع لايضاهى بالطرح
سلمت يمناك وعساك على القوه
تحياتي لك

يسلموووو على رقي الطرح واختياره
ابداع لايضاهى بالطرح
سلمت يمناك وعساك على القوه
تحياتي لك

مُزْنٌ يَهْطُل وشَلآلٌ يَتَدَفَقْ
بَطِرُوحَآتِكْ الْرَآئِعَةْ الْجَمِيلَةَ
بِإخْتِيَآرْ يَفُوقْ الْوَصْفْ والْتَعْبِيِرْ
فَإلَى الأَمَآمْ بِإنْتِظآرِ جَدِيِدِكْ بِشَوقْ
وفَقِكْ الْلَه تَعَآلَى

خاطرة رائعه ومميزه
طرحتى فابدعتى دمتى ودام عطائكِ
سلمت اناملكِ على الجلب المميز
اعذب التحايا لكي
خ ـالد الشاعر

منورين بمروركم العطر