تمنيتك عطر وارشك

تمنيتك عطر وارشك علی القمصان
وتمنيتك گهـــوه وماتفارك الفنـجان
وتمنيتك رصاصــه وصدري نيـشان
وتستقر بگلب بيك متولع أو ولهان
وتـمنيـتك مــي وتبــلل العــطــشان
وتمنيتك صيــف واحر من حزيـران
وتمنيتك شتا شما البس ابقی بردان
وتمنيتك راحه بجسم ناحل وتـعبان
وتمنيتك فرح ومني تطرد الاشجان
وتمنيتك ضحكه وتنطــق الخرسـان
وتمنيتك صـلح يراضــي كل زعلان
وتمنيتك ضـوه يضوي بدرب عميان
وتمنيتك حاضر يرجع ماضي الزمان
وتمنيتك رسالـــة مليانــه وجــــدان
اقـراها وتفيض عليـه شــوك وحنان
وتمنيتــك لو تــدري شكثر تمنيتــك
جان گلت هنيالي علی هيج انســان