يامدور عذابي

يامدور عذابي .. من عذابك ضميت
الموارد قريبه .. والظماء با القلوب

يامدورر تراني .. للجفاء مانويت
والله إني أحبك يا الصدوق الكذوب

اهـ .. ياطول صبري بين ياما وليت
في جبيني شمال ..يحتفي با الجنوب

أذكرك طيب قلبي لانويتك .. وجيت
واعرفك شمس قربي ماتعرف الغروب

اشربك كل ما اعطش وأنطقك لو حكيت
السوالف طويلة .. والمشاعر تذوب

وأسكب أحزان شعري وأعشقك كل بيت
وأدري أنك عيوبي ..في زمان العيوب

ياطريقي ترفق ..توني ما بديت
كان حظي تعثر .. فا العزاء للدروب

الحياة المحبة .. وللمحبة حـيـيـت
لو تقول المنية .. مايفيد الـهـروب

يامدور عذابي .. من عذابك رويت
المودة حقيقة .. والشواهد قلوب