خليتني وأنت حالف ماتخليني

مشكور يامن جرحت القلب بغيابك
أشكرك لامن طريت ودمعت عيني

..

خذيت ذنبك خذيته كثرما اغتابك
أذكر محاسنك وأذكر مايعنيني

..

يوم أنت قفيت عني وانقفل بابك
قطعت حبال المواصل بينك وبيني

..

قفيت ماشفت وش هوحال منصابك
وأنا أحسب انك من جروحي تداويني

..

كنت أحسب الشوق لاقفيت ينتابك
وأنك مثل ما أبكي لفرقاك تبكيني

..

أثره يجرك على النسيان دولابك
يامن سلا خاطرك وأصبحت ناسيني

..

نسيت أني أموتك حب .. وأحيابك
ماهو حرام أنت من عالمك تنهيني

..

الله حسيبك وعنده تاخذ حسابك
على الذي به على أخلاصي تجازيني

..

جازيتني بالجفا واقفيت بك أركابك
وخليتني وأنت حالف ماتخليني


..

مشكور يامن جرحت القلب بغيابك
أشكرك لامن طريت ودمعت عيني

غـرام الشوق ,نور القمر ,ضامية الشوق معجبون بهذا

يعطيك العافيه على طرحك
عساك على القوهه ..
ماننحرم ..

طرح جميل

. طرحكم للمنقول مميز راق لنا منقول مفيد ومميز في المضمون الله يبارك فيكم ننتظر منكم كل جديد ومميز دمتم لا أبداع معنى نسمو به إِحترامات مع تقديري لكم دائماً لروحكم الزكية القيصر العاشق البــــ مديح آل قطب ــــــرنس

يعطيك العافيه لطرحك
كل الشكر لسموك
وبنتظار جديدك المميز

سلمت الأيادي
على هذا الجلب المميز والعطر
ننتظر بشوق رؤية القادم..
دمت بخير ..