هجر الزمان

هجر الزمان

يقول اللي طواريجه كما الدانات مغلوقه
يقطف من نواوير الهوى مختلف الأنواعي
يبين الصبح ما هملج نظيره بالكرى موقه
سبب هجر الزمان اللي كوى قلبي بمرقاعي
أنا في ما مضى باخص بطرد الريم واعموقه
اطردهن معي مسلوبة العرقوب ملواعي
إلى منه صحت واصحى السما من كل غدروقه
لقيتني اتلقف للمها مع كل الاسناعي
سقى يوم الخميس ابكار مزن ناضت ابروقه
إلى حن الرعد برقه يقد النور لماعي
تنطحني شبيه سهيل في سوق يبي سوقه
وقفت وراغ واعرض يحسب اني فيه طماعي
بديته بالسلام وخاطره يصلاه حاروقه
ضحك واقفى وهو ما بين فرح وبين مرتاعي
ثبت العلم وقال اصبر ترى الأيام ملحوقه
وحلف لي بالمحيط اني الماجوبك على الداعي
وجودي وجد من جاه العقيد اللي خذا نوقه
وهو في ماقع زنده ضعيف ولاش فزاعي
على راعي مجاديل على الحجان مفروقه
كما ذيل الحليف أشقر على الردفين شراعي
أبو عين كما عين الوحش في راس شاهوقه
لحق جول الحباري مع طلوع الشمس منزاعي
عنود من كماله يسحر العشاق منطوقه
شرا رسم المودة والهوى من كل بياعي