منو الگلك من محبتـك راح أمل

منو الگلك من محبتـك راح أمل
آنا "أحبــك" باچـر وهسـة وقـبل
وك شـملك! آنا مـهووس بهـواك
الك حُـب بگلـبي ماشالة العقل
اتريد سوشل ميديا احچيـلك غلاك
انته الترند النسبتك ماتقل
هاك أخذ موبايلي وخلصني هاك
شوف طول الوكت بيمن متصل
الصادرة انته الم يرد والواردات
اتروح عالستوديو الجو مشتعل
صورتك ماتنتــرك مثل العلاج
ثابته وباقي الصور تحديد كُل
وغير صوتك محد ايعدل المزاج
بحه عندك عندي سوت رد فعل
من اروح الموعدك ما أدري أحير
بين احضنك وابـچي وبين احتفل
اهنا ايصير احساسي إحساس الغريب
الختمو أوراقه ابختم لم الشـمل
الروح انته والنفس والكلشي والـ
اتأكدت ها هلشـكل ! أي هالشـكل
انته الأول بالبــداية وبـالأخير
هاي هيه خلص ونسد السجل