شوقي مسافة وهمساتك مدار وفلك ..!

كيف أطفي الريح بثيابك وكيف اشعلك
كيف اتنثر على جمرك وكيف احتويك

نقضت ليل الحرير وجيت ما انت لهلك
سميت باللي فتني بك وقلت ابتديك

هذا اول الدرب اوهذا الطريق اولك
جيت اتوقا عذابات المدى واهتديك

شوقي مسافة وهمساتك مدار وفلك
ان ما ضميتك غلا ياعلني ما ارتويك

اية اعرفك واعرف اني من غلاك اجهلك
مرات اضمك واخاف اني مشبة عليك

مرات اشوفك بنفس الوقت واتخيلك
وانشد كفوفي عن اخر سالفة من ايديك

اعن لك لو تصب الموت واتهيلك
واجوع لك واتمنى خنجرك واشتهيك

ماقلت لك عمر سيف العشق مايقتلك
ماتشوفني حي قدامك وانا اموت فيك

اشتقت لك قبل اجيك وجيت واشتقت لك
البارحة طول ليلي بين هاذي وذيك

مليت جمر انتظارك واستحيت اسالك
واحسبتني ما بعد جيتك وفكرت اجيك

اثرك بقلبي من البارح وانا استعجلك
واثري نسيتك من الفرحة وقمت احتريك