انت شسمك ؟

انت شسمك ؟
إسمي مجهول من أهد ماضيعتهم
وين ساكن ؟
ساكن بكل شارع وبيت وفرع
بي ريحه منهم
بعدك تحن ؟
ليش هو اني شوكت ماباجي
ومنكع صورهم
حاول تننسه ،،
شنسه وحلوك الشماته بكل دقيقه
اجيب اسمهم !!
وين راحو ؟
راحو ويه الجان يحلم ينذكر
اسمه بحلكهم
شلون عايش ؟
عايش بطرك النفس وال ها إجو
وال ها بعدهم
كلشي قسمه ،،
القسمه شعليهه الذنب بالمايقدر
دعوة امي وتعب ابوي بكثر
ماوديته إلهم
زين عيش عمرك ،،
ياعمر هذآ الأعيشه واني يوميه
أحب رجل الدرب بالكت يردهم
تغفرلهم ؟
الله لا يطيني إذا سامحت
اهلهم
مفتقدهم ،،
اي مفتقدهم وحك كل دمعه
طاحت من شفت غيري أخذهم !!
كلمه اخيره ،،
شرد اكول واني حتى لساني ضدي
اشما اقنعه وارد اذمهم
ينعكد ويكول احبهم