نبض الاماني

لو كان سحرك في حلاوة عيونك
فالابتسامة سحر اول وثاني

وانا بقلبي لو تغيبي اصونك
مهما قسي وقتي وعكر زماني

والذكريات اللي معيا بدونك
ما تعتبر ذكرى تعزز كياني

اعشق ترانيمك بلكنة لحونك
وارحل مع سحرك بنبض الاماني

باعيش لك مخلص ولو في سجونك
وانسج لك اشواقي بلمسة بناني

وسعادتي اني اتابع شؤونك
واسرح مع طيفك بعذب المعاني

لا سامح الله من بطبعه يخونك
او يخدعه طيشه ويصبح اناني


قلمي