يا دنيا مالك بينا بقلمي الشاعر محمد البهلوان

يا دنيا مالك بينا
ليه تملي مكشرة
ليك بوز يجي شبرين
و ماشيه بينا لورا
عميانه مش شايفين
جرانا في وحل وطين
ليه الناس علينا دايسين
هو احنا قنطرة


ليه احنا مالناش في الوشوش
السكره
حظنا فيكي يا دنيا ليه ديما
؟؟؟؟؟؟؟؟
تقلانة علينا بالقوي
وحياتك بكفاية بالقوي
الجرح فقلوبنا مستوي
والدمع في عينينا مسطرة
العمر عشناه في الدموع
والجرح دقوله السبوع
يوم ما اتولندنا كان معانا
اما انتي يا دنيا مسخرة
اما انتي يا دنيا مسخرة

مالناش نصيب في الفرح ولا
نصيبنا في الفرح مفيش
يلف علي الدنيا بحالها
ويجي عندنا متلقيش


اصل الهموم دي بنت عم
الجراح وعارفه اللي تم
بينا وبين الحظ يوم
امتي هيجي يا ترى

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات