- اخر ايام الغلا .

/




وش بلانا من جلسنا وحنا ساكتين

أول أيام السكوت آخر أيام الغلا

أدري ان ودك تروح لكني حزين

روحتك وانا بحاجتك مافيها حلا

ودي اسمع منك قبل انتوادع كلمتين

أتوارى في ذراها عن عيون الملا


انتهى عمرٍ من الحب يا سرع السنين

انجلى والله مدري على ويش انجلى

ما علي من أي حاجة أخاف من الحنين

ما اتحمل لهفة الشوق يا دفع البلا

المواجع كنها القبر ما تاخذ اثنين

واحد يدله ويسلى وواحدٍ ما سلى


النهاية طعمها مر والتهميش شين

لو يحس المبتلي بانكسار المبتلى

يعلم الله ما درى غير رب العالمين

ابتسم للناس وانثر دموعي في الخلا

يا قلوب العالم المقبلين الراحلين

اه من ظلم الولايه وتمثيل الولاء


سعد عيني قبل لا اكون من الاخرين

وبري حالي يوم بدلت لبيه بهلا

دورو لي قلب يصبر ولو اشريه دين

غير قلب صب فيه الحزن لين امتلا



- الشاعر محمد السكران .