سين وجيم لمشاكلكم فى المطبــخ

تعالوا اقولكم شوية حلول لمشاكلكـم اللى فى المطبخ
• س / لما بعمل المكرونة بالبشاميل
بعد ما اخرجها من الفرن بلاقيها عجنت ؟
. ج / اسلقى المكرونة تلت اربع سوى
و اشتغلى بيها هتلاقيها مش معجنة
ورشي شوية جبنه رومي علي الوش
قبل ما تدخل الفرن ياااااااا

• س / البيضة كلها بتبوظ و انا بقشرها ؟
. ج / اتعودى و انتى بتسلقى البيض
حطى رشة ملح و معلقة خل
و البيضة هتتقشر علي طول


• س / السلطة بتدبل بسرعة ؟
.ج / لما تيجى تعملى السلطة ضيفى
الملح فى الاخر لانه بيساعد
الخضار أنه بنزل مايته و يدبل

• س / لما بقلى السمك الشارع كله
يبقى عارف انى بعمل سمك ؟
. ج / و انتى بتقلي السمك ضيفى
فى الزيت قشرة الليمون
و محدش يعرف انك بتقلي سمك

• س / طبقة البقسماط فى البفتيك
و البانيه بتنزل فى القلى ؟
. ج / و انتى بتبلى البانيه أو البفتيك
متحطيش فى التتبيلة زيت
هتلاقيه فصل طبقة البقسماط


‏• س / التلاجة ريحتها غريبة ؟
‏. ج / حطى فيها قطعة فحم هتلاقى
كل الروائح راحت و حطى كل حاجة
فى كيس او لفيها ب استرتش.
لكم خالص تحياتى وحبى
الدكتور علـى