اجرح تكلم سب وأطعن بظهري

أجـرح تكلم سب واطعن في ظـهري
ماهـمني مـادام لي قــلب يغليك

والا احتـرامي راح من عندك أدري
وانت احترامك فرض في عين تحميك

ياكبر حظك يالغظي وسـط صدري
واكبر حظوظي نظـرة شفتها فيك

خبري بك اول معتـلي فيك قدري
تنهى وتامر تطـلب الروح بــعطيك

يا عـمر عمري تو مــالوقـت بدري
دام البدايه ضيق برجـع وراضيك

و ان كان كل السالفه حـب يسري
فانا عطيـتك شـوق ينبـت براضيك

ياصاحبي دامك على الـبال تطـري
ببقى صويب الهم في الصمت اخبيك

من ماحصل لي صارت الروح خطري
مابين حي ومـيت رحماك راجيك