ابديت وازريت عنك اشيا تباغتني

البارحــــه قامت افكاري تــناوبني

من هاجسٍ بالضماير قام يجذبــها

بيبان الاشعار لامن ضقت تندبنـــي

اكتب بعضها وبعض حروف مكتبها

ياراشد الوقت يا مشكاي مرّعبنــي

احسب الايام واغضي عن مصايبها

أضيق من هاجسٍ دايم مصاحبنــــي

ســـــود اليالي تجرحني عقاربــــــها

لو اشرح الوضع يمكنِــــك تكذبنـــي

بعض السوالف تحير فكر صاحبـــها

أسمع هروجٍ بعضها ما يناسبنــــــي

واقفيت عن كل مخطيها وصايبـــــها

ياخوي بعض الهروج العوج تغضبني

الناس ما تتركك لوّك مجنبـــــــــــها

الحاقد اللــــي بليّا ذنب حاربنــــــــي

ادري بناره ولو يخفــــي لهايبــــــها

يمدحني ان جيت وإن قفيت عذربني

بعض البشر مهنته يوقد حرايبـــــها

أهدي النفس لجـــــل انه يجنبنــــــي

أخـــــاف لا طالت السيره نخربـــــها

ماهو صحيبي ولا ارضى انه يصاحبني

النفس عن مثله ارفعــــها واهذبـــــها

اخـــــاف من رفقت الخايب تخيبنــــــي

أحسب امورٍ بعضهـــــم ما يحسبـــــها

رفقة هل المعرفه والطيــــب تعجبنــي

وليا جهلت الامـــــور إنشد مجربـــها

صديقي اللي ليــــــا زليت عاتبنــــــي

وليا حفظلي سريـــــره ما يهرج بـــها

هذاك بالطيـــــــب والمعروف يكسبني

وانا سنــــاده ليــا من حـــل واجبــــها

ياراشد أصلــــي عن المهياف ينتبنــي

بعض المواضيع مالـــي في طلايبــها

صبري على اللي جرحني ما يعذربني

تحشم حثال العرب من شان طيبـــــها

والله يلولا الحـــــــيا والحلم قاظبنــــي

اني افضح السالفه واذكــــــر سبايبها

لاشك ابصبـــــــر ولو الصبر متعبنــــي

نفسٍ بلا صبٍــــــر ما توفي طلايبــــــها

أبديــــت واخفيت عنك أشْياً تشاغبنـــي

والله عليـــمٍ بحاضـــــــرها وغايبـــــها