قفلوا .. باب .. المشاريه

قفلو باب المشاريه يالله تشرهون.
لحد (ن) يشره علينا ولا نشره عليه
من ورا كثر المشاريه ويش انتم تبون.
بين بيضان النوايا وبيضان الوجيه
ريحونا واستريحو لعد تجاملون.
لي متى والصدق غايب وحنا نحتريه
وانت ياللي تحسب انك على الطيب تمون.
الميانه لا تخليك في عينه سفيه
الليالي درستنا مع اللي يدرسون.
لين صرنا عارفين البليد من النبيه
وابتلشنا في سواد تحت رمش العيون.
ما درينا هو سواد الكحل ولا شبيه
عالم مثل البشر يشربون وياكلون.
حيرونا نجلب الطيب ولا نشتريه
كان شفتونا على الهقوه و منها ودون.
ادرو ان الجرح مثر على القلب النزيه
ان تجملنا مع الناس ما يستاهلون.
وان تعذرنا ما يقنعم العذرالوجيه
استحينا لين شفنا العرب ما يستحون
انجبرنا معهم نسوي اللي ما نبيه.