مسحت دمعي نادمه لاشك ماعندي نظر ‏

سرقني وقتي انتظر والليله كانت تنتظر
مسكت ورده في يدي والشمع ذاب امن الوله

كنت انتظر في موعدي والوقت يمشي ويختصر
والشوق يمي مندفع ماسج لحظه أو دله

ماجيت ياللي بالهوى عذبت خافق مندمر
الورده ذابت في يدي والليله كانت مهزله

مسحت دمعي نادمه لاشك ماعندي نظر
للتو عمري ابتدى ولقيت لنفسي تكمله

ماجيت صادق بالوعد ولا جيت حتى تعتذر
الحب جابك بالغلط وشلون حظي أعدله

لو كنت بدمح غلطتك غلطات واجد تستمر
هالليله كانت تختلف غيرالليالي المقبله

هي عيد ميلادي معك واحبال علقها الصبر
واحساس صادق داخلي ماتدري وش اللي يحمله

حطمت حبك داخلي في يوم ساقه لي القدر
لو كنت تدري وش أنا؟ماقلت ساقه لي الوله