تنام عينك وانا عيني على ماهي

تنام عينك وانا عيني على ماهي
واظن ليل السهر في عيني طويّل

" اظل متخيّلك " مشغولٍ ولاهي
عذري بديته وقلت أظل متخيّل

واعيش جو السهر متنبّه وساهي
والفكر في صورتك كريم وبخيّل

مرً يجيبك قبول .. ومرً إكراهي
ومرآت يبعد بعيد ومرً يميّل

يافتنة القلب يام المبسم الراهي
ياللي جديلك لحد الخصر متليّل

بعيونك الساحرة تلعثم شفاهي
ورموش عينك تخلي عقلي ذهيّل

منهو يلومك ل انك دوم تتباهي
الجسم ساعة رمل يزود وقليّل

لا وآعذابي عليك ويا كثر آهي
يالمُزه اللي عليك اهيم واخيّل

مالوم عيني لو بليله على ماهي
اواصلك للظهر وأرتاح وأقيّل