اقدارنا الفصل الثالث

بسم الله الرحمن الرحيم
وبه نستعين
الفصل الثالث
اخذ ميسرة يفكر الان هو في الخامس والعشرين والحمدلله يعمل استاذ ويجب فعلاً ان يتزوج ولكن اين العروسة ؟ وفي المساء ذهب ميسرة الي ادم في السوق وكلمه بخصوص جواب والده وانه يطالبه بالزواج وهو حتى الان ما عنده عروسة بعينها في باله ؟ وقال له ادم بسيطة ياخي اكتب ليهم خليهم يشوفوا ليك عروسة ؟ ويرد ميسرة يااخي العروسة انا لازم اشوفها واتكلم معها يمكن انا ما اعجبها اوهي ما تعجبني وبمزاح من ادم ؟ يقول له طيب رايك شنو فى خديجة بت اختي ؟ ويبتسم ميسرة ويقول له ياخي خديجة لسع صغيرة وكمان بتدرس ؟ يرد ادم سيبك من الكلام انها هي لسع صغيرة انت رايك شنو فيها ؟ ويرد ميسرة خديجة بنت ممتازة ومافيها كلام ؟ ويقول ادم من ناحية صغيرة لاهي الان عمرها سبعتاشر سنة وانت يادوب عندك خمسة وعشرين سنة يعني السنة الجاية هي تكمل الثانوي ويكون الزواج ؟ ويقول ميسرة طيب ما لازم نعرف رايها هي شنو وراى اهلها كمان ؟ ويقول ادم علي خيرة الله انا بكتب الي ابوها واشوف رايه هو شنو وبكرة الجمعة انا بمشي الي خديجة في الداخلية واعرف رايها هي زاتها ومن عندها طوالي بجيك فى السكن اكلمك ؟ ورجع ميسرة وهو بنتظار بكرة ليسمع الرد من ادم واسترجع ميسرة ايام الرحلة من الجنينة الي نيالا وتلك اللحظات الجميلة ونام ليلته وهو يفكر في رد خديجة بكرة يكون شنو ولم يدري بنفسه إلاهو غارق فى نوم عميق مع احلام وردية ؟ وفي مساء الجمعة عاد ادم من زيارة خديجة وهو يكاد يطير من السعادة وضرب باب الاوضة وكان ميسرة في قمة الشوق واللهفة لسماع رد خديجة وقبل ان يجلس ادم ؟ ساله ميسرة اها قالت شنو خير يارب ؟ يرد ادم ياخي اول حاجة جيب لي موية اشرب وقول لي اتفضل بعدين اسالني قالت شنو المهم خيروهي موافقة وربنا يتمم ليكم بالعديل والزين ؟ يرد ميسرة دا اسعد خبر اسمعه في حياتي ؟ ويقول ادم مبروك يا ميسرة وان شاء الله بيت مال وعيال خلاص انا بكرة عندي تلفون مكتب واحد قريبنا ضابط بضرب ليهو ويديني ابوها واكلمه وان شاء الله خير بس انت كلم اهلك واسمع رايهم شنو ؟ يرد ميسرة يا اخي اهلي عاوزين سعادتي وما عندهم اعتراض علي اختياري وان شاء الله كلهم يجوا ويحضروا العرس ؟ واستاذن ميسرة من ادم بان يكتب جواب قدامو الي خديجة والاسبوع الجاي يديهو ليها ؟ ويرد ادم ليه الاسبوع القادم خيرالبر عاجله بكرة المساء بسوق ام الاولاد وبنمشي ليها وبديها الجواب وكمان اجيب ليك منها الرد ؟ وقام ميسرة وكتب الجواب وهو في غاية السرور ؟ وقال الي ادم اقراء ليك الجواب ؟ ورد ادم يا اخي دي اسرار بين اثنين لاوجود لثالث بينهم ويضحك الاثنين وياخذ ادم الجواب ويودع ميسرة وان شاء الله لو كان في العمر بقية نكمل

-

مشكورعلى مواضيعك الاكثر من رائعه والمميزة..
وسلمت الانامل الذهبيه
دمتم متالقين مبدعين متميزين
بانتظار جديدكِم المميز
ودي واحترامي
لشخصكِم الرائع
تحياتي

,,~

سلمت آناملك لروعة طرحهآ..
يعطِـــيكْ العَآفيَـــةْ..

,,~

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

سلمت اناملكم
فى انتظار ابدعاتكم
دمتم متألقين مبدعين متميزين

سلمت كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
لقلبك الفرح