بديت بسم الله عن كل ما يريب

بديت بسم الله عن كل ما يريب=
= اللي رفع سماه وارضه مهدها
وسجلت حرف القاف فوق المكاتيب=
= مايملها السامع ولا ينتقدها
في محفل الويلان كسابت الطيب=
= اللابه اللي من يجيها حمدها
بوجه الضيوف يكثرون التراحيب=
= تحية بالضيف يكثر عددها
يامرحبا عداد رشً السواكيب=
= رش المزون اللي تتالا رعدها
حي الله الزوار بسم المعازيب=
= والشكر والعرفان في مستندها
ايحيي بكم هادي عريب الاناسيب=
=ابن الربيلي جهدته ماجحدها
يدور مثل الذيب لنه ولد ذيب=
=من شان فيصل ليلته مارقدها
نعم ببوخالد وفى بالمطاليب=
=اوفى العهود ومختلف عن وعدها
وشكراً لكل اقرابنا والاصاحيب=
=اهل اعزوم وطيبً معتقدها
وشيوخنا اللي للقبيله مكاسيب=
=متا قف البنيان لولا عمدها
لولا المواقف ماعرفنا هل الطيب=
=ولانميزّ مصقول الذهب من اخردها
فزعتو لفيصل بكل اللاساليب=
=وندى الحنون الي نختنااء لولدها
كلً دفع مقدور جهده من الجيب=
= وكلً له اجر السجده اللي سجدها
نرفع لكم بيضا بروس المراقيب=
= روس الجبال اللي تعلت بلدها
ناقف لكم حشمه وشيمه وتوجيب=
= لكل الرجال اللي وصلنا مددها
وشكرا لشمر كاملين المواجيب=
= اللابة الي دوم قايم سعدها
شمر هل الفزعات وقت الاناشيب=
= اليا كبرة القاله وزادة اعقدها
اهل الكرم والجود ذباحة النيب=
= مناهلً يروى بها من وردها
اهل اللحيسه بالسنين الشلاهيب=
= رجالهم لاحطها ماإقتصدها
وربعي بني وايل اعزاز المجاذيب=
=عدوها يبطي عظم ماأضتهدها
وايل هل الوقفات ستر الرعابيب=
=ستر الهنوف اللي عفيفً جسدها
يوم اعتزت في ساعتً وقتها مريب=
=الفارسي عن بيت ابوها طردها
الخصم كايد والمذله بها عيب=
= وقامو بها الويلان وانهو نكدها
على المهاروفوق حرش العراقيب=
=على الجياد اللي تفوز بجهدها
صطواتهم ترهب جموع الاجانيب=
= مثل الصقور اللي ينومس هددها
وكل القبايل تفعل الطيب وتجيب=
= والطيبه كل العرب تعتمدها
صلوا على اللي رتب الدين ترتيب=
= مع سنةٍ لا قبلها ولا بعدها

عبق نرجسي يسطر بعذوبه
وجمال يعانق السماء كجمال الانتقاء
على الطرح الراقى
يا قصر ابداع وتميز وتالق
مروري هنا جعلني أصل لقمة الاستمتاع
شوقتنا لنتطلع على مزيد مما تقدمه
يعطيكم العافيه ولاعدمنا جديدكم
تحياتي وخالص التقدير

يعطيك العافيه يارب , ع الموضوع
دمت ودام ابداعك ف سما عشق ...


..

‘*
الله يعطيك العآفيـه ,
وسلمت يدآك على النقـل ,
شكراً لك من القلب على هذآ العطاء ,
لقلبك السعآده والفـرح ..
|‘,

,,~

سلمت آناملك لروعة طرحهآ..
يعطِـــيكْ العَآفيَـــةْ..

,,~

جلب راقي وانتقاء مميز
بوركت جهودك المثمرة
ولا حرمنا عطائك
ودي ..