تهل العين لامني ذكرت الصاحب المملوح

تهل العين لامني ذكرت الصاحب المملوح
عليه الله واكبر كيف ما يشتاق لاحبابه

حسافة ما هقيناها تعاندنا بلا مصلوح
ترى صدتك يالغالي وهجرك ما رضينا به

ترى ما تنفع الشكوى حبيبي ما يفيد النوح
ترى صبري نفذ حده وجا للموت طلابه

طبيب الجرح محبوبي وهو روحي وروح الروح
تكدر خاطره مني ولا ادري بالذي صابه

ترى عيني من الفرقى تهل ودمعها مسفوح
على الوجنات يالغالي وهمي نوخ ركابه

تريث يا حبيبي شوف خلك صاير مجروح
ينادي لك بقلب وروح من سبتك منصابه

تعودنا على شوفك تجينا يا الغضي وتروح
نسيت أيام عشرتنا وسكرت الهوى وبابه

سقى الله ليلة مرت علينا في طرب ومزوح
طريح الهم ليمن شاف خله تبرد أعصابه

أحب ولا علي من العذول وهرجه المشفوح
هويت اللي على خله يكدر حلو مشرابه

يعذبني ولا يدري بقلباً بالعذاب يفوح
ليا من شافني مقبل يقول فلان وش جابه

انا ما ودي اتعذب واشرف دوم باللحلوح
اهل الدمع في رجم الهوى واصعد بمرقابه

رهين الحب في سجن المحبة يالعرب مطروح
سجنه اللي سرق قلبه وعند الوالي حسابه

حبيبي حس في خلٍ من آلام الهوى مجروح
امله رضاك يالغالي يريد اليوم يحظى به

ترى العاشق ليا حدر مداميعه غدا مفضوح
عسى الله يرحم اللي لجل خله مزع ثيابه

كم اسعدني رؤية متصفحك
وكم هو رائع طرحك
طرح راقي جدا ومميز
في انتظار جديدك دمت بخير

يعطيك العافيه على الكلمات
انتقاااء جمييل
سلمت اناملك عليها

طرح راقي
أهنيك على هذا الموضوع الرائع
والجميل
أعجبني كثيراً وراق لي
لاحرمنا الله من تجدد مواضيعك
يعطيك الف عافيه
مودتي

سلمت يمنآك لآ عدمنآك
طرح رآئع جميل
بإنتظآر جديدك بشوق
أتمنى لك التوفيق

طرح رآقي وأنتقـــاء مميـــز ومجهود رائـــع
الله يعطيكـ العافيه يااخـــ....
لـروحكـ السعاده الدائمــه
لكـ ودي يزف باقات وردي.."