ازرع حروفي في رياضك معاني

ازرع حروفي في رياضك معاني


مسآء الشعور اللي ضوى واعتراني
والآ الغياب ولهفتــــــــي لا وصلتك

والآ الوله,,والآ الشعر ,, والاغانــــي
والآ الحنين وضيقتي لاذكرتـــــــك

في مسرح عيونك تضج الامانــــي
تعبت انادي ويصفع الصوت صمتك

افزّ وارجع,,واتحسس مكـــــــاني
والقاك حلم ,,في عيوني رسمتك

جيتك سحابة شعر تلهم بنانــــي
جيت وعلى خدّ الصحايف مطرتك

ازرع حروفي في رياضك معاني
بيني وبينك تنتشي لاعرفتــــــك

جيتك وهذا الشوق رآسم حناني
لوحة مشاعر في ضلوعي نقشتك

تعال واسمع وش تقول الثواني
يامآ انتظرتك,,وانتظرتك وشفتك

واقف وانا اسال حظيالليعصاني
وشلون تضوي دُنيتي لافقدتك!!؟؟

إرجع ورجع فرحياللينساني
شف كم ياليت بمفرداتي كتبتك

سؤال ثآير تحت صمت المحاني
بالله قلي حبيبي,,ماوحشتك؟

تضيق بغيابك صدور المواني
يامآ على مرسى الليالي سهرتك

جيتك وبايدي ورد ياما بكاني
وداااايم يواسي دمعتي لاذكرتك

بحر الرجاوي فوق شطك رماني
مدّ الكفوف وصب فيني عشقك!

خذني حنين ولهفة انسان عاني
خذني زمن يرقد على حجر وقتك

خذني ترى يامآ غرامك خذاااني
ويامآ على جذع انتظاري حفرتك

جيتك وما ادري كنّي انسان ثاني
طال الفراق وكنّ توي عرفتك؟

جيتك وانا ماجيت,,واقف مكاني!
طيفك حضنّي واحسب اني وصلتك

بارك الله فيك ع موضوعك القيم والمميز
وبانتظار جديدك القادم
ارق التحايا لك

بين مواضيعكم نجد
المتعة دائماً
وفقكم الله لقادم اجمل

طرح جميل
يعطيك العافيه

_

سلمت الأيادي ..
ويعطيك العافية لـ جمال الآنتقاء
لروحك جنائن الورد .

طرح جميل