يحق لك يامعذب احساس مغليك

يحق لك يامعذب احساس مغليك
يحق لك تعذيب روحي ياروحي

حب وعذاب ولحظة اشواق تدعيك
ورسول يرسل لك مع الشوق نوحي

يامن لك احساس بقلبي يناديك
يامن تسببت بخفايا جروحي

لا تستحي من شأن انا مغرم فيك
كأني فرضت النفس برحل واروحي

خلك مثل ما كنت تمدح مباديك
مثلي مثل هالناس ماني بروحي

الحر تكفيه الإشاره بياديك
وانا ادري انك شخص تجهل وضوحي

ليتك عرفت اللي تهمه خطاويك
قضى سنين الحب هرج ومزوحي

فسرت في عينك خفايا معانيك
عاشق ولكن في المحبة شحوحي

تخيل اني ف بعض الأوقات ابكيك
لما اشوفك مغترب وسط روحي

وتخيل اني ادعي في تناسيك
وان الحقيقه إلموت الاحساس توحي