مقفول گلبي ووادم اتصيح

مقفول گلبي ووادم اتصيح
وطبيته چي نيتك مفاتيح
وطحنه رغم ماهازنه الريح
الغيم من يتشابگ ايطيح

مقفول گلبي شلون طبيت
كتلي ارد اطب گوه اعله ابو البيت
شميتك ولاچني شميت
واتنشگت واتنشگ البيت

دنيني گتلي .. وگتلك شلون
گتلي مثل چف دنى ماعون
ادنيت بس حرگني العيون
يتبارگن ماثبتن بلون

گتلك حلالي ؟ وگتلي مرخوص
يالبيك طبگة ثنية الخوص
گارصني شوگي ودوم مگروص
وشرب اللبن ماداوه مگروص

كون اليغيب ايغيب كله
مو يترك ارسوم اعله خِله
باچيني مبچه العنده عِله

عايش مثل زعل المساجين
بودي امشي وتردني الحياطين
وجه بوجه وگلوب ماشين

مابيه اگوم وگعدتك غاد

ولاعندي طيف يجيب البعاد
يالحدر راسك شعرك امخاد
لاتلح مبرد ينعمي الحاد
هذا انه صيده وچنت صياد
وغيبتك چيله ودوسة زناد