الليل شامة .. محمد لفتة العماري

الليل شامة .. محمد لفتة العماري
الليل
شامه…
وال نهار
ب عين اليتانون….برزخ
ال نهار
المايجيب اخبار
من نهد…الأميره
ال غافيه
اتاني ال امير
يعتبر تحصيل (قاتل)
يعتبر
كلش قيامه……بلا قيامه
وماعلينه
شلون اجيك
الليل
مايرضاش
طير يعوف…عشه
ويلتقيله
ب طير ثاني…. بلا جواز
وانه
ماعندي جواز
انه
بالگوه…
صغت روحي….حمامه
شلون اجيك
وبيش اجيك
وانه
بالگوه
بگت…
روحي رغيف من….اليتامه
انه
لو شايفني زين
راح
تلگاني فطر بضلوع….جامه
شلون اجيك
وانه
وحدي
تايه ومشدوه….بالي
وال خريف
يگود
بيه المدري وين
ومامش
ال روضه خضارك
لا نجم
يوميلي
بيده ولا دليل……ولاعلامه
منين اجيك
ومامش
ب قاموس قرأنك سبيل
ولا
الحمدلله
حبيبي اعله…….السلامه
وماعلينه
الليل
من دونك رصيف
مرصع
من
كزاز روحي شلون….انامه
ااااخ
لو تدري
حبيبي…شلون انامه
الليل
لو تدري حبيبي
بغيبتك
كلش قيامه….بلاقيامه
وماعلينه
انه
بالگوه
بگتلك
روحي من روحي رغيف
انه
بالگوه
شفت…..روحي…..حمامه…..!!!!
محمد لفته العماري