فيني نبت من غرامك جوري احداقي

يا روح فيني غلا تشرب من اعماقي
كلك أنا أو أنا وانتي خفوق و روح

فيني ربيتك وجيتي عمري اشراقي
يا عالمي لك مداري وين انا ماروح

كوكب شجوني غرامك وانتي آفاقي
ما بينك انتي و بينك للهيام صّروح

يا دار قلبي و انا لين آآخرك راقي
يا مبتدى للشعور و نون قلبي بُوح

فيني نبت من غرامك جوري احداقي
وامطر هيام المشاعر راعدي مبحوح

واتسلطنتك المحاني بين عشّاقي
وكل الجماهير فيني هيجنوك بروح

صَفّ الشعور و نشَد لك عمري الباقي
واتراقصتك المحاني والخفوق يلُوح

واتخالط السلسبيل و غَرّق الساقي
يا أعذب العذب بين السكّر المملوح

ميثاقي انتي و روحي فيك ميثاقي
يا عنفوان المشاعر بالعطور يفوح

ما بينك أنتي و روحك كُوني اغراقي
بينك و بينك هيامي كل شي مسموح

يا شهد يا سكرة يا عذب رقراقي
يستطعمك خافقي ويهيجنك و ينوح

في عالمي مذهلة والشاقي اشواقي
ما غير اشيلك واحطك للقصيد شروح

دوم اعطشك والهدير الراوي اوراقي
والقاف إلا قبّلك بك يستوي مجروح

يا بارد المى على قلبي و عَشّاقي
فيك انت انايافراتي مترف وطحطوح

راقي غرامك وتشويقك معي راقي
من وين انا ما أخيلة للفروح فروح

ياروح ًاشرب وهي تجفي من اعماقي
كلك أنا أو أنا وانتي خفوق و روح