تجآهلت الودآع

ذعاذيـع الشمـال بعـز ليلـي هــزت الشـبـاك
تبـي تطـرد هواجيـس الغيـاب وتقطـع أحـلامـي

برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايـب .. غيـر أوهامـي

نبت بأرض السنين المجدبة حبك .. وصـرت أهـواك
رضيـت أعيـش بآجمـل ذكرياتـك باقـي أيـامـي

حبيبي لو لقيت اللـي تبـي مـن هالحيـاة .. هنـاك
أنـا باقـي ( هنـا ) ليـن الليالـي تزهـق آلامـي

على بابك وقفت أمـس أبتسـم لـك كنـي أترجـاك
تعيـد اللـي سرقتـه مـن هنـاي إن كنـت قدامـي

مشينـا مـن زمـان .. وقـدر الله ينتهـي ممشـاك
على درب الغياب .. وخطوتـك أسـرع مـن أقدامـي

تجاهلت الوداع .. وقلت لك : ياصاحبي وش جـاك ؟!
ترش الماء على رمضى الطريق .. وصاحبك ضامي !!

حنين اللي نقش إسمك علـى صـدري وخـلا شفـاك
تهجـا مـا يـدور بداخلـي مـن جرحـي الـدامـي

جمعني بالورق قصة وفاء .. عاشـت علـى ذكـراك
طمست إسمك من أوراق القصيد .. وصرت بإبهامي !

أنا الوافي علـى كثـر الذنـوب اللـي تبـي أنسـاك
تحزمـت الـوداع .. وشلـت لـك تذكـار بحزامـي

فمـان الله .. رح فـج الغيـاب ولــوح بيمـنـاك
أبرسـم صورتـك فـي داخلـي وأحييـك بإلهامـي

جمعنا ماضـي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي

فزع بعض القصيـد بهاجسـي مـن هـزت الشبـاك
كتبـت آخـر تفاصيـل اللقـا .. وإنقطعـت أحلامـي

ذائقة شعرية مترفة بالجمال
اسعدني تواجدي بين قطرات احرفك الشعرية
اختيار جميل وذوق مترف
لاعدمنا جديدك القادم ولاحرمنا من جزل ابياتك

متصفح رائع

من القلب ودي لك

تسلم ايدك ع الطرح
يعطيك العافية
تحيتي وودي

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

*/*
سلمت يدآك على روعة الطرح*
وسلم لنآ ذوقك الراقي على جمال الاختيار*
لك ولحضورك الجميل كل الشكر والتقدير
اسأل البآري لك سعآدة دائمة*
مودتي