اصل النداء الشعبي المصري ياخراشي /معلومة طريفه

اصل النداء الشعبي المصري ياخراشي /معلومة طريفه ما يعني كلمة يا خراشي اللي بتقولها في كل مصيبة.. كام مرة اتعرضنا لمواقف كتيرة في حياتنا سواء حلوة أو وحشة وقلنا يا خراشي من غير ما نسأل نفسنا هو يعني إيه يا خراشي ؟؟ وإيه أصل وفصل الكلمة دي؟؟ وليه أحنا كل ما تحصل مصيبة نقول يا خراشي.. أصل وفصل الكلمة يا خراشي بيرجع لسنة 1679 كان أول شيخ للأزهر وأحد كبار العلماء المسلمين اسمه الشيخ محمد الخراشي عاش في القاهرة وأتسمى بالخراشي نسبة إلى قريته أبو خراش بمحافظة البحيرة وكان رجل حقاني وعادل ويجيب حق أي مظلوم ومحدش يقدر يرفضله كلمة ولما كان أي حد يقف قدامه أي حاجة أو يحصله مشكلةيجروا عليه ويقولوه الحقنا يا خراشي عشان عارفين هو اللي هيقدر يحل أي حاجة بتحصل لأي حد وبقى أي حد يتخانق في الشارع ينادي عليه ويقول يا خراشي لحد ما بقى النداء الشعبي بقى لأي حد عنده مصيبة ومن هنا جت كلمة يا خراشي .