يوم ميلادي

من القصائد التي تكتب بماء الذهب
كلمات الشاعر منصور الرمالي -الله يرحمه-

أنا يوم ميلادي صدف مولد المأسات
وكبرت ومعي كبرت همومي ومأساتي

أنا للأسى مرسى وأنا شاطىء الأهات
ولا للآمل مرسى على شاطىء آهاتي

أنا اليآس لي موطن وأناموطن اللوعات
تضيع السعادة بين يآسي ولوعاتي

أنا الحاضر الهارب من الماضي اللي فات
وأنا الماضي الهارب من الحاضر الآتي

مواطن بلا موطن ولالي وطن وأثبات
سوى اني بشر حساس وأحساسي أثباتي

أنا عادتي ماحسب على غيري الزلات
ولاكني أبكي لاتذكرت زلاتي

أنا يوم غيري عاش في دنيته لذات
أنا أعيش في عزله وألامرار لذاتي

أنا يوم غيري ياسعد همه السفرات
مع الهاجس اللي يسبق الطير سفراتي

وأنا يوم غيري همه الضحك والسهرات
مواعيده أفراح وله الهم ماياتي

أنا موعدي في كل يوم مع النكبات
وأنا حظي العاثر سبب كل نكباتي

وأنا يوم غيري ياسعد في منامه بات
أخوك المعناء يسهر الليل ماباتي

وأنا ياسعد حيلي تردى وجسمي مات
وبقى القلب ينبض ياسعد والجسد ماتي

أعيش العذاب بكل لحظه من اللحظات
من الهم تمضي كنه ايام لحظاتي

غدرني زماني ياسعد وأخلف الهقوات
غدر وأنقلب وأخلف ظنوني وهقواتي

وحتى الصديق اللي وقفنا معه وقفات
تنكر معي وأنكر جميلي ووقفاتي

تنكر وجازى فاعل الخير بالسيات
جزاني بعكس الطيب ياخوك سياتي

صديق المصالح لك يجي ساعة الحاجات
وأذا كان ماله فيك ملزوم ماياتي

وأذا صار لك مطلب تنكر عديم الذات
وعديم الوفاء والمعرفه ينكره ذاتي